Ish-ministri i Punëve të Jashtme në Kosovë Enver Hoxhaj, përmes një shkrimi në llogarinë e tij në facebook, e ka quajtur një lajm i mirë për shqiptarët, faktin që Shqipëria do të jetë bashkëhartuese në qëndrime me Shtetet e Bashkuara të Amerikës në Këshillin e Sigurimit të OKB-së, lidhur me tensionet Ukrainë-Rusi
Hoxhaj ka njoftuar se Shqipëria është rritur në nivel ndërkombëtar. Kjo për faktin se bashkë me SHBA-në, Shqipëria do të hartojë në Këshillin e Sigurimit të OKB-së qëndrimin për çështjen e krizës në Ukrainë. Më tej Hoxhaj njoftoi se ky është lajm i madh për të gjithë shqiptarët dhe e bën Shqipërinë promovuese të paqes në rajon .
Krejt në fund, Hoxhaj tha se Rusia vazhdon të jetë kërcënim i rendit ndërkombëtar.
“Lajm i mirë për shqiptarët! Shqipëria po rritet në nivel ndërkombëtar! Shqipëria në Këshillin e Sigurimit të OKB-së bashkë me SHBA-në do të hartojnë qëndrimin për çështjen e krizës së Ukrainës. Ky është lajm i madh për të gjithë shqiptarët dhe e bën Shqipërinë promovuese të paqes dhe sigurisë në rajon, derisa, Rusia vazhdon të jetë kërcënim i rendit ndërkombëtar”
